هل المدمن إنسان فاشل ؟

كل الناس بتشوف المدمن انسان فاشل.. مش متربي.. اتعرف على اصدقاء سوء وبقي مدمن

بس محدش يعرف يعني ايه ادمان ؟

ليه المدمن بقى مدمن ؟

ايه الاحتياجات الغير مشبعة عنده الي دخلته في الادمان ؟

لما نعرف السبب .. نعرف ازاي نحمي اولادنا من الادمان .

الادمان مش بس ادمان على المخدرات ..

ممكن يكون ادمان على سلوك محدد زي الالعاب الالكترونية او تناول الطعام بشراهة .. او ادمان الانترنت .. وغيرها من السلوكيات بهدف تحقيق الراحة و السعادة

الادمان على نوع من المخدرات

هو الاعتماد النفسي و الجسدي على مادة مخدره من اجل تحقيق الراحة النفسية و الشعور بالسعادة

اما ادمان سلوك ما

يعني تكرار ممارسة سلوك ما من اجل الشعور بالراحة و السعادة

احد التفسيرات للادمان هي افتقاد علاقة .. العلاقة دي في الاساس اساسها الام في البداية او اي حد من افراد الاسرة بعد كده

المدمن

محتاج علاقة تسعده .. يكون فيها اهتمام و راحة واحتواء .. محتاج حب غير مشروط

محتاج علاقة يخفف فيها احساسه بالالم و يطبطب عليه .. مش حد يدوس على جرحه ويحسسه بالذنب

محتاج علاقة تشبع احتياجاته زي الطفل الرضيع

دور الاسرة مهم جداا في احتواء ابنائها .. وتقديم الدعم و الرعاية ليهم لحمايتهم من خطر الادمان

المدمن بيدور في مادة الادمان على حاجة تخليه يغيب عن الوعي عشان يهرب من ضغوط الحياة

لو اتوفر الدعم و السند من العائلة و الاصدقاء .. حنقدر نحمي ابنائنا من البحث عن مصدر بديل للشعور بالراحة

تنشئة ابناء عندهم طموح وهدف للحياة ..

عندهم هواية او رياضة بيمارسوها ..

عندهم قدرة على التفاعل الاجتماعي بشكل ناجح مع الاصدقاء ..

من اهم عوامل الحماية ضد خطر الادمان